Kiçik və Orta Biznes Subyektləri və Klublarının Assosiasiyası (KOBSKA) və "Birgə İnvest" arasında sıx əlaqələrin yaradılması məqsədilə 18 fevral 2022-ci il  tarixində sahibkarların "İnvestisiya imkanlarına çıxış" mövzusunda tədbir təşkil edilmişdir. 25 nəfər sahibkarın iştirak etdiyi tədbir çərçivəsində "Birgə İnvest"-in təqdimatı keçirilmişdir. Keçirilən görüş nəticəsində sahibkarlar dövlət investisiya dəstəyi mexanizmi və şirkətimizin investisiya qaydaları haqqında ətraflı məlumat almışdır. Tədbirdə Gill Med şirkətinin rəhbəri Rüstəm Məmmədov "Birgə İnvest" ilə partnyorluq, o cümlədən yararlandığı investisiya dəstəyi nəticəsində qurulan istehsal müəssisəsi haqqında məlumat verərək öz təcrübələrini görüş iştirakçıları ilə paylaşmışdır.