Biz Azərbaycanın sosial-iqtisadi inkişafını bilavasitə
sahibkarlıqla, onun inkişafı ilə bağlayırıq!
"Qobu Park-3" yaşayış kompleksinin açılışı31.05.2020
"Qobu Park-3" yaşayış kompleksinin açılışı

Mayın 28-də Bakının Qaradağ rayonunda məcburi köçkünlər üçün salınmış “Qobu Park-3” yaşayış kompleksinin açılışı olub. Açılışda Azərbaycan Respublikasının Prezidenti cənab İlham Əliyev və birinci xanım Mehriban Əliyeva iştirak ediblər.

"Qobu park-3" yaşayış kompleksinin ərazisində Kiçik və Orta Biznesin İnkişafı Agentliyinin və "BİRGƏ" MMC-nin dəstəyi ilə yeni istehsal müəssisələri qurulmuşdur.

Bu müəssisələrdə yumşaq və plastik uşaq oyuncaqlarının və sterilizə olunmuş tibbi cərrahi setlərin istehsalı nəzərdə tutulmuşdur. Eyni zamanda, ölkədə məşğulluq istiqamətində həyata keçirilən effektiv siyasətin davamı olaraq “BİRGƏ” MMC tərəfindən ona töhvə veriləcək, “Qobu Park-3” yaşayış kompleksinin əhalisinin məşğulluğunu təmin etmək məqsədilə həmin əhali iş prosesinə cəlb olunacaq.

Sözügedən müəssisələrin yaradılması bir neçə məqsəd daşıyır: həm sosialyönümlü, həmdə biznesyönümlüdürlər. Belə ki, ümumi hər iki müəssisədə 40-dan artıq iş yerlərinin yaradılması və işçilərin 80%-nin "Qobu Park-3" kompleksində yaşayan əhalidən formalaşdırılması nəzərdə tutulub. İstehsal olunacaq keyfiyyətli və rəqabətə davamlı məhsullar, həmçinin, idxaldan asılılığın azaldılması istiqamətində töhvə vermiş olacaqdır. 

"TUTU TOYS"-a aid müəssisədə gün ərzində 1000-ə yaxın yumşaq və 500-ə yaxın plastik oyuncaq istehsal ediləcək. "GİLL MED"-ə aid müəssisədə isə cərrahi setlər ilə yanaşı, tibbi heyət üçün kombinezonlarda istehsal olunacaq.